Gazetari Basir Çollaku tha dje se fakte të tjera pritet të publikohen shumë shpejt në media, mes të cilave regjistrime kompromentuese për kreun e qeverisë. Gazetari tha se të regjistruar në video janë Edi Rama dhe Saimir Tahiri.
“Në përpjekjen kur zoti Tahiri, në kulmin e debatit të avionëve tentoi të qëndronte në detyrë, ajo që e ktheu në detyrë ishte një shkëmbim i natyrës kriminale. Kjo është e filmuar nga shërbimet partnere. Do të bindemi shumë shpejt” u shpreh gazetari Basir Çollaku në studion e Opinion.
Çollaku ka realizuar së fundmi dy intervistat që kanë tronditur qeverinë, atë me ish Shefin e Antidrogës së Fierit, Dritan Zagani dhe ish oficerin e Antidrogës, Antonio Nazeraj.
Të dy ish policët dhanë dëshmi të forta për lidhjet e Saimir Tahirit me Habilajt. Të dy janë burgosur dhe kërcënuar për t’u vrarë, ndërsa sot janë në azil politik.